Flaqman 2026-cı ilə 26 futbolçu ilə başladı

“Neftçi” dünən qış təlim-məşq toplanışı keçirmək üçün BƏƏ-nin Əbu-Dabi şəhərinə yola düşüb. 

Sport1.az xəbər verir ki, Bakı təmsilçisi yanvarın 17-dək hazırlıqlarını sözügedən şəhərdə davam etdirəcək.

Yanvarın 5-də ilk məşqinə çıxacaq “ağ-qaralar” toplanış çərçivəsində 3 yoxlama oyunu keçirməyi planlaşdırır. “Neftçi” yanvarın 9-da Qazaxıstanın “Kayrat”, 13-də Misirin “Piramids”, 16-da isə Çinin “Çenqdu Ronqçenq” klubları ilə qarşılaşacaq. Matçların başlama saatları daha sonra açıqlanacaq.

Flaqman hazırlıqlara tam heyətlə başlaya bilməyib. Benin millisinin heyətində Afrika Millətlər Kubokunda çıxış edən Sessi D'Almeyda hazırda yığmadadır. Onun növbəti oyunun nəticəsindən asılı olaraq, “Neftçi”yə qoşulacağı tarix dəqiqləşəcək.

Toplanışa cəlb olunan futbolçular bunlardır:

Kenan Piriç, Rza Cəfərov, Emil Balayev, Nihad Əliyev, İqor Ribeyro, Kristian Kostin, Falaye Sako, Elvin Bədəlov, Murad Xaçayev, Mustafa Sek, İfeaniye Metyu, Elvin Camalov, Emin Mahmudov, Emil Səfərov, Edvin Kuç, Andrey Ştoqrin, Cordan Rezabala, Freddi Varqas, İmad Faraj, Alessio Kurçi, Luis Ortis, Murad Məmmədov, Ağadadaş Salyanskiy, Basalla Sambu və Vensan Abubakar.