Premyer Liqa klubu 5 futbolçunun yolunu gözləyir – ÖZƏL
"Sumqayıt" Türkiyədə təlim-məşq toplanışı keçir.
"Kimyaçılar" 2 gündür ki, Antalyada hazırlıqlarını davam etdirirlər.
Sport1.az-a daxil olan məlumata görə, komanda toplanışa tam heyətlə başlaya bilməyib.
Yarımmüdafiəçi Abdul Rəşid Mumini Benin millisi ilə Afrika Millətlər Kubokunda çıxış edir. Onun sabah növbəti oyunu var. Benin yığması qalib gəldiyi halda, futbolçu turnirdə yoluna davam edəcək, məğlubiyyət isə Muminiyə dərhal komandaya qoşulmaq imkanı verəcək.
Digər futbolçulardan Rayan Senhaci və Aleksander Ramalinqom bu gün düşərgəyə qoşulacaqlar.
Ronaldo Vaskez və Keffel Resendenin isə sabahdan Antalyada olacaqlar.
Qeyd edək ki, yanvarın 3-dən 17-dək Türkiyənin Lara bölgəsində yerləşən “Limak” otelində məskunlaşan Sumqayıt təmsilçisi bu müddət ərzində üç yoxlama oyunu keçirməyi planlaşdırır. Komanda ayın 9-da Macarıstanın “Paksi”, 12-də Serbiyanın “OFK Belqrad”, 16-da isə Xorvatiyanın “Osiyek” klubu ilə üz-üzə gələcək.
MİRZƏ S.
