Çempionlar Liqası öncəsi “Qarabağ”dan ilk addım

“Qarabağ” 2025/26 mövsümünün ikinci yarısına hazırlıqlara başlayıb.

Sport1.az xəbər verir ki, Ağdam təmsilçisi bu gün “Azersun Arena”dakı təlim-məşq bazasında 2026-cı ilin ilk məşqini keçirib.

Hazırlıq prosesinin növbəti mərhələsi yanvarın 10-dan 17-dək Türkiyənin Belek bölgəsində yerləşən “Gloria Sports Arena”da təşkil olunacaq. Toplanış çərçivəsində “Qarabağ” iki yoxlama oyunu keçirməyi planlaşdırır. Qarşılaşmaların yanvarın 12 və 16-da baş tutacağı gözlənilir. Rəqiblərin adları daha sonra açıqlanacaq.

Qeyd edək ki, Ağdam klubu yeni ildə ilk rəsmi oyununu yanvarın 21-də UEFA Çempionlar Liqasının Liqa mərhələsi çərçivəsində Almaniya təmsilçisi “Ayntraxt”a qarşı keçirəcək.