Belaruslu futbolçu seçim qarşısında – Azərbaycana gəlir?
Belaruslu futbolçu Pavel Sedko karyerasını Azərbaycanda davam etdirə bilər.
Sport1.az xəbər verir ki, “Torpedo-BelAZ”ın 27 yaşlı yarımmüdafiəçisi ilə Premyer Liqa klubları maraqlanır. Bu barədə futbolçunun agenti Valeri Rusetski məlumat verib. Onun sözlərinə görə, Sedko bir neçə ölkənin diqqət mərkəzindədir və Azərbaycan variantı real istiqamətlərdən biridir:
“Pavelə Rusiyanın birinci liqasından, Qazaxıstandan, Azərbaycandan və Serbiyadan maraq var. Digər seçimlər də mövcuddur, amma onları açıqlamaq istəmirəm. Çin və Cənubi Koreya klubları ilə bağlı yayılan xəbərlər həqiqəti əks etdirmir”.
Qeyd edək ki, Pavel Sedko 2025-ci ildə Belarus çempionatında 25 oyunda meydana çıxaraq 9 qol və 2 məhsuldar ötürmə ilə yadda qalıb. O, ölkə kubokunda 1 matçda 1 qol vurub, Konfrans Liqasında 4 oyunda fərqlənib, həmçinin Belarus millisinin heyətində 3 qarşılaşmada forma geyinib.
