Bu futbolçu "Qarabağ"a keçməkdən imtina etdi
“Qarabağ”ın transfer planlaşdırdığı futbolçu ilə bağlı cəhdləri nəticəsiz qalıb.
Sport1.az xəbər verir ki, Ağdam təmsilçisinin maraq dairəsində olan Xalid Baba Mərakeşin “MAS Fes” klubuna transfer olunub. Bu barədə “Africafoot” nəşri məlumat yayıb.
Mənbənin yazdığına görə, “Qarabağ” sağ cinah oyunçusu üçün təklif irəli sürsə də, transfer mübarizəsində yerli klub daha operativ davranıb. Nəticədə futbolçu “Difaa Hassani Əl-Cədida”dan ayrılaraq “MAS Fes”lə razılıq əldə edib.
Bildirilir ki, keçid təxminən 400 min avro məbləğində baş tutub. 25 yaşlı vinger yeni klubu ilə 3 il yarımlıq müqaviləyə imza atıb. Qeyd olunur ki, futbolçuya “Qarabağ” tərəfindən də cəlbedici təklif təqdim edilib. Lakin idman və maliyyə şərtlərinin bir-birinə yaxın olması fonunda o, yerli çempionatda qalmağa üstünlük verib.
Xatırladaq ki, Xalid Baba “MAS Fes” akademiyasının yetirməsidir. O, karyerası ərzində “KAK Meknes” və “Vidad Fes” klublarında da çıxış edib. Son mövsümlərdə isə “Difaa Hassani Əl-Cədida”nın əsas oyunçularından birinə çevrilib.
