“İmişli”nin futbolçuları uşaq sığınacağını ziyarət edib – FOTO/VİDEO

“İmişli” klubunun futbolçuları Şirvan şəhərində yerləşən “Mərhəmət Evi” Uşaq Sığınacaq Mərkəzini ziyarət ediblər.

Sport1.az xəbər verir ki, Yeni il ərəfəsində baş tutan xeyriyyə səfərinin əsas məqsədi sığınacaqda yaşayan uşaqlara bayram əhval-ruhiyyəsi bəxş etmək olub. Ziyarət zamanı komanda üzvləri uşaqlarla yaxından ünsiyyət qurub, onlara müxtəlif hədiyyələr təqdim ediblər.

Səmimi və isti ab-havada keçən görüş sığınacaq sakinlərinin sevincinə səbəb olub. Futbolçular uşaqlarla söhbət edib, onlarla vaxt keçirərək bayram gününə xüsusi rəng qatıblar.

Klub nümayəndələri bu cür sosial təşəbbüslərin cəmiyyət üçün önəmini vurğulayıb, xüsusilə qayğıya ehtiyacı olan uşaqlara diqqət göstərilməsinin vacibliyini qeyd ediblər. “İmişli”nin bu addımı bayram günlərində paylaşma və humanist dəyərlərin təşviqi baxımından dəyərləndirilir.

“İmişli” gələcəkdə də sosial məsuliyyət layihələri çərçivəsində bu kimi xeyriyyə aksiyalarını davam etdirməyi planlaşdırır.