“Neftçi” Çempionlar Liqasında çıxış edən klubla qarşılaşa bilər

“Neftçi”nin qış hazırlığı çərçivəsində keçirəcəyi yoxlama oyunlarından birində “Kayrat” klubu ilə qarşılaşa bilər. 

Sport1.az xəbər verir ki, Qazaxıstan çempionatının təmsilçisi təlim-məşq toplanışını BƏƏ-nin Əbu-Dabi şəhərində keçirməyi planlaşdırır. Həmin hazırlıq prosesi zamanı “ağ-qaralar”ın da potensial rəqiblər sırasında olduğu bildirilir.

Məlumata görə, UEFA Çempionlar Liqasının əsas mərhələsində çıxış edən “Kayrat”la Bakı klubu arasında yoxlama oyunu variantı nəzərdən keçirilir. Qarşılaşmanın baş tutub-tutmayacağı və dəqiq vaxtı ilə bağlı isə hələlik rəsmi açıqlama verilməyib.