Dünya ulduzu Premyer Liqada oynamaqdan imtina etdi – ÖZƏL

Mario Balotelli karyerasını Azərbaycanda davam etdirə bilərmiş.

Sport1.az-a daxil olan məlumata görə, italiyalı hücumçunun menecerləri ona Misli Premyer Liqası klublarında oynamaq variantını təklif ediblər. Ancaq futbolçu bu fikrə müsbət yanaşmayıb.

Balotelli çempionatın səviyyəsini kifayət qədər rəqabətli hesab etməyib. Bundan başqa, təklif olunan maliyyə şərtləri də 35 yaşlı forvardın gözləntilərinə uyğun olmayıb. Bu səbəbdən futbolçu Azərbaycanda çıxış etmək ehtimalını ümumiyyətlə nəzərdən keçirməyib.

Qeyd edək ki, Balotelli yaydan etibarən azad agent statusundadır. O, son olaraq A Seriyası təmsilçisi “Cenoa”nın formasını geyinib. İtaliya millisində isə 36 oyuna çıxan hücumçu 14 qola imza atıb.