“Neftçi” Ukraynadan vinger gətirir: Danışıqlar başlayıb

“Neftçi” heyətini yeni futbolçu ilə gücləndirməyi planlaşdırır.

Sport1.az Ukrayna mətbuatına istinadən xəbər verir ki, Bakı təmsilçisinin baş məşqçisi Yuri Vernidub Donetsk “Şaxtyor”unun vingeri Dmitri Topalovu komandasında görmək istəyir. 27 yaşlı futbolçunun mövcud klubu ilə müqaviləsi bu ilin dekabrın 31-də başa çatır.

Azərbaycan klubu artıq oyunçunun tərəfi ilə danışıqlara başlayıb. “Ağ-qaralar” ukraynalı futbolçuya altı aylıq müqavilə və özünü doğruldacağı təqdirdə “1+1” formuluna əsasən yeni sözləşmə təklif edib.

Cinah oyunçusu da “Neftçi” rəhbərliyinə maliyyə şərtləri ilə bağlı mövqeyini çatdırıb. Onun istəyi altı ay üçün 10 min dollar məvacib almaqdır. Danışıqlar hazırda davam edir.