“Qarabağ” bu futbolçu ilə bağlı qərarını ÇL-dən sonraya saxladı – ÖZƏL

Mateus Silvanın “Qarabağ”dan ayrılma ehtimalı artıb.

Sport1.az-a daxil olan məlumata görə, Braziliyanın “Vitoriya” klubu müdafiəçinin transferi ilə bağlı Ağdam təmsilçisinə rəsmi müraciət edib. Hazırda tərəflər arasında danışıqlar davam edir.

“Köhlən atlar” Çempionlar Liqasında “Ayntraxt” və “Liverpul”la keçiriləcək vacib oyunları nəzərə alaraq, ilkin mərhələdə qarşı tərəfə mənfi cavab verib. Bununla belə, futbolçunun mövqeyi də prosesdə diqqətdə saxlanılır.

Qeyd olunur ki, Mateus Silva ilə bağlı yekun qərar “Liverpul”la oyundan sonraya saxlanıla bilər.

Maraq üçün bildirək ki, “Flamenqo”nun braziliyalı futbolçu ilə maraqlandığına dair yayılan məlumatlar həqiqəti əks etdirmir.