Endrik bir oyun keçirmədən “Lion”un tarixinə düşdü

Endrik “Real Madrid”dən icarə əsasında transfer olunduğu “Lion”da meydana çıxmamış klub tarixinə düşüb.

Sport1.az xəbər verir ki, dekabrın 23-də Fransa təmsilçisinin rəsmi sosial şəbəkə hesabında braziliyalı futbolçunun keçidinə həsr olunan video paylaşılıb. Sözügedən paylaşım azarkeşlər arasında böyük maraq doğurub və “Lion”un sosial media tarixində ən çox baxılan video olub.

Dekabrın 27-nə olan məlumata əsasən, braziliyalı futbolçunun yer aldığı video 1,1 milyondan çox baxış toplayaraq klub üçün yeni rekord müəyyənləşdirib.

Qeyd edək ki, Endrik “Lion”un heyətində ilk oyununa yanvarın 3-də, “Monako” ilə səfər qarşılaşmasında çıxa bilər.