İtaliya klubu “Qarabağ”ın üzvünü istəyir – ÖZƏL

Elvin Cəfərquliyev karyerasını İtaliya A Seriyasında davam etdirə bilər.

Sport1.az-a daxil olan məlumata görə, Azərbaycan millisinin üzvü ilə “Komo” yaxından maraqlanır. İtaliya təmsilçisi 26 yaşlı müdafiəçinin keçidini qış fasiləsində reallaşdıra bilməsə, bu prosesi yay “transfer pəncərəsi”ndə başa çatdırmağı planlaşdırır. Bu məqsədlə arxa xətt oyunçusu klubun geniş namizədlər siyahısına daxil edilib və müdafiəni gücləndirmək üçün əsas variantlardan biri kimi nəzərdən keçirilir.

Xatırladaq ki, Sesk Fabreqasın baş məşqçisi olduğu “Komo” hazırda A Seriyasında 15 turdan sonra 24 xalla turnir cədvəlinin 7-ci pilləsində qərarlaşıb.

Qeyd edək ki, Elvin Cəfərquliyevin “Qarabağ”la müqavilə müddəti mövsümün sonunda başa çatır.

MİRZƏ S.