PSJ “Real Madrid”in ulduzunu istəyir

PSJ-nin “Real Madrid”in müdafiəçisi Antonio Rüdigerlə maraqlandığı bildirilir.

Sport1.az xəbər verir ki, Paris təmsilçisi 32 yaşlı futbolçunu yay “transfer pəncərəsi”ndə heyətinə qatmağı planlaşdırır.

Məlumata görə, Fransa nəhəngi təcrübəli arxa xətt oyunçusuna sərfəli müqavilə təklif etməklə onu Madrid təmsilçisindən ayrılmağa razı salmaq niyyətindədir. Klub rəhbərliyi gənc kollektivdə liderlik xüsusiyyətlərinə malik bir fiqurun vacib olduğunu düşünür və bu baxımdan alman müdafiəçi əsas namizədlərdən biri kimi qiymətləndirilir.

Qeyd edək ki, Rüdiger 2025/2026 mövsümündə bütün turnirlər üzrə 7 oyunda meydana çıxsa da, məhsuldar göstərici ilə yadda qalmayıb. Onun “kral klubu” ilə müqaviləsi 2026-cı ilin yayına qədər qüvvədədir.