PSJ sabiq hücumçusunu geri qaytarmağa çalışır
PSJ növbəti “transfer pəncərəsi” ərəfəsində hücum xəttini gücləndirmək üçün diqqətini İtaliyaya yönəldib.
Sport1.az xəbər verir ki, “La Gazzetta dello Sport” nəşrinin məlumatına görə, Paris təmsilçisinin əsas hədəflərindən biri “Fiorentina”nın hücumçusu Moyze Kindir. Bildirilir ki, Fransa klubu bu keçidin asan olmayacağını anlayır və hələlik tərəflər arasında rəsmi təmaslar baş tutmayıb.
Mənbə yazır ki, “Fiorentina” futbolçunu komandada saxlamaqda israrlıdır. Hücumçu da hazırda başqa kluba keçidi nəzərdən keçirmir və mövsümü İtaliya təmsilçisində başa vurmağa köklənib.
Qeyd olunur ki, futbolçunun müqaviləsində 2026-cı ilin yayında qüvvəyə minəcək 62 milyon avroluq sərbəstqalma bəndi mövcuddur. Bu məqam isə potensial alıcı klubların qərarına birbaşa təsir göstərə bilər.
Xatırladaq ki, Moyze Kin daha əvvəl Fransa Liqa 1-də də çıxış edib. O, 2020–2021-ci illərdə “Everton”dan icarə əsasında PSJ-nin formasını geyinmişdi.
