“Fənərbağça” niderlandlı futbolçu ilə razılığa gəldi

“Fənərbağça” klubu PSV-nin yarımmüdafiəçisi Coyi Vermenlə razılıq əldə edib.

Sport1.az xəbər verir ki, bu barədə tanınmış insayder Fabritsio Romano sosial şəbəkə hesabında məlumat paylaşıb. Bildirilir ki, İstanbul təmsilçisi Super Liqa çempionluğu uğrunda mübarizədə heyətini gücləndirmək məqsədilə 27 yaşlı futbolçunun müqaviləsində yer alan 20 milyon avroluq satınalma bəndini aktivləşdirməyə hazırdır.

Mənbənin məlumatına görə, yarımmüdafiəçi şəxsi şərtlər üzrə “Fənərbağça” ilə razılaşıb və transferin qısa müddətdə rəsmiləşməsi gözlənilir.

Qeyd edək ki, Coyi Vermen cari mövsümdə 22 oyunda meydana çıxıb, 8 qol vurub və 7 məhsuldar ötürmə ilə yadda qalıb. “Transfermarkt” portalına əsasən, futbolçunun bazar dəyəri 27 milyon avro təşkil edir.