“Barselona” Flikin müqaviləsini uzatmaq istəyir
“Barselona” rəhbərliyi və klubun idman direktoru Deko baş məşqçi Hansi Flikin növbəti mövsümə cəmi birillik müqavilə ilə başlamasını istəmir.
Sport1.az xəbər verir ki, bu barədə “Bild” nəşri məlumat yayıb. Bildirilir ki, katalon klubu alman mütəxəssislə müqavilənin uzadılması istiqamətində danışıqlara start verib. Məlumata görə, “Barselona” Flikin sözləşməsini daha bir il artıraraq 2028-ci ilin yayına qədər qüvvədə saxlamaq niyyətindədir.
Qeyd olunur ki, 60 yaşlı baş məşqçi hazırda daha uzunmüddətli anlaşmaya razılıq verməyə tələsmir. Klub daxilində müəyyən gərginliklər olsa da, Flikin “Barselona”dakı fəaliyyətindən məmnun olduğu və özünü xoşbəxt hiss etdiyi vurğulanır.
Xatırladaq ki, Hansi Flik 2024-cü ilin yayından kataloniya təmsilçisinə rəhbərlik edir. Onun dövründə “blauqrana” La Liqa, İspaniya Kuboku və Superkuboku qazanıb.
