"Neftçi" lənətlənib? - Kenan Piriç AÇIQLADI
Misli Premyer Liqasının XV turunda "Neftçi" doğma meydanda "Sumqayıt"la heç-heçə etdi - 2:2.
Qarşılaşmadan sonra "ağ-qaralar"ın qolkiperi Kenan Piriç Sport1.az saytına müsahibə verdi...
- Gərgin keçən mübarizə, 4 qol və bərabərlik. Oyunu sən necə şərh edərsən?
- Təəsüf ki, heç-heçə etdik. Çox yaxşı başlamışdıq. İlk hissə möhtəşəm oyun göstərdik. Hətta o gedişlə davam etsəydik, 3-4 qol da vura bilərdik. Sonlara doğru geri çəkildik. Boşluqlar yaratdıq, topu onlara verdik. Nə deyəcəyimi bilmirəm. Biz onlardan güclü idik. Nəticə qəbuledilməzdir.
- Yeni baş məşqçi ilə ilk matçınızda təəsüratlarınız necə oldu? Nə kimi fərqliliklər müşahidə etdin?
- Komandada nizam-intizam formalaşdı. Oyunumuzdan da gördüyünüz kimi ilk hissədə onlara şans vermirdik. İkinci yarıda nə baş verdiyini demək çətindir. Fasilədən öncə göstərdiyimiz oyunu növbəti matçlarda 90 dəqiqə nümayiş etdirsək, uğurlu nəticələr əldə edə bilərik.
- Vernidub komandanın qarşısına nə kimi hədəflər qoyub?
- Əsas məqsədimiz bu günə qədər müddətdə itirdiyimiz xalların əvəzini çıxmaqdır. "Sabah"la aramızda böyük xal fərqi var. Bunu mütləq aradan qaldırmalıyıq.
- Hesabda önə keçdikdən sonra matçın sonlarına doğru üstünlüyü əldən verərək xal itirmək kimi "lənət"inin olması ilə bağlı nə deyə bilərsən?
- Buna inanmıram. Biz onlardan güclü idik. Onlara boşluq yaratdıq. Belə olmamalı idi.
MİKAYIL HACIYEV
