"Neftçi"dən qovulan məşqçi Qazaxıstan klubunda

“Neftçi”nin keçmiş baş məşqçisi Roman Qriqorçuk karyerasını yenidən Qazaxıstanda davam etdirməyə hazırlaşır.

Sport1.az Ukrayna mətbuatına istinadən xəbər verir ki, ukraynalı mütəxəssis “Astana” klubu ilə yekun razılığa gəlib. Bildirilir ki, tərəflər arasında bütün əsas detallar razılaşdırılıb və yaxın günlərdə təyinatın rəsmi şəkildə açıqlanması gözlənilir.

Qeyd edək ki, 60 yaşlı çalışdırıcı daha əvvəl də Qazaxıstan təmsilçisini idarə edib. Onun məşqçilik karyerasına “Dinaburq”, “Ventspils”, “Metallurq” (Zaporojye), “Çernomorets”, “Qəbələ”, “Astana”, “Şaxtyor” (Soliqorsk) və “LNZ Çerkassı” klubları daxildir.