Salah: “Haalanda hörmətim var, amma liqanın bombardiri mənəm”

“Liverpul”un hücumçusu Məhəmməd Salah son günlər ona yönələn tənqidlərə münasibət bildirib.

Sport1.az xəbər verir ki, 33 yaşlı oyunçu media və azarkeşlərin reaksiyasına baxmayaraq, Premyer Liqadakı nailiyyətlərinin danılmaz olduğunu vurğulayıb. Hazırda Salah turnirdə çıxış edən aktiv futbolçular arasında 190 qolla ən çox qol vuran oyunçudur.

Salahın sözlərinə görə, buna baxmayaraq, müdafiə olunmağa məcbur qalan yenə də özü olur: “Hamıya hörmətim var. Haalanda da çox böyük hörmətim var, amma fakt budur ki, hazırda Premyer Liqanın ən yaxşı bombardiri mənəm. O hələ deyil. Ümid edirəm ki, uğur qazanacaq və xoşbəxt olacaq. Ona hörmət edirəm və Erlinq bunu bilir. Mən ən yaxşı bombardir, ən yaxşı oyunçu olmuşam, liqanı yüksək səviyyədə qazanmışam. Amma nədənsə, məhz mən mediaya və azarkeşlərə qarşı özümü müdafiə etməli oluram”.

Qeyd edək ki, hazırda Erlinq Haaland İngiltərə Premyer Liqasında 112 oyuna 100 qol vurub.