“Şəhərlilər”in lideri geri dönə bilmir – Qvardiola səbəbi açıqladı

Pep Qvardiola dekabrın həlledici matçları öncəsi Rodri ilə bağlı “Mançester Siti” azarkeşlərini sevindirməyən xəbər verib.

Sport1.az xəbər verir ki, ispan yarımmüdafiəçinin zədədən bərpa prosesi planlaşdırıldığı kimi irəliləmir. Qvardiolanın sözlərinə görə, Rodri reabilitasiya zamanı yenidən diskomfort hiss edib və bu səbəbdən tibbi heyət bərpa proqramında dəyişiklik etmək məcburiyyətində qalıb.

Baş məşqçi belə deyib: “O, hələ hazır deyil. Kiçik bir geriləmə yaşandı. Kritik olmasa da, özünü 100 faiz oynaya biləcək vəziyyətdə hiss etmir. Risk etməyəcəyik. Meydana qayıtması üçün ona bir neçə həftə daha lazım olacaq”.