Skoulzdan Amorimə sərt reaksiya: “Bu, tam cəfəngiyyatdır”

“Mançester Yunayted”in əfsanəsi Pol Skoulz klubun baş məşqçisi Ruben Amorimi gənc futbolçu Kobbi Maynu ilə bağlı fikirlərinə görə sərt tənqid edib.

Sport1.az Daily Mail-ə istinadən xəbər verir ki, portuqaliyalı mütəxəssis Maynunu start heyətinin üzvü hesab etdiyini desə də, 20 yaşlı yarımmüdafiəçi bu mövsüm cəmi bir dəfə əsas heyətdə meydana çıxıb. Üstəlik, onun “qırmızı şeytanlar”dan ayrılacağı ilə bağlı iddialar da gündəmdədir.

Skoulz Amorimin sözlərinə kəskin reaksiya verib: “Bu, tamamilə cəfəngiyyatdır. Bu uşağı məhv edirlər. Oynamağa imkan vermirlər, özü də oyuna nəzarət edə bilməyən bir komandada. İstedadlı futbolçuların getməsini görmək xoş deyil, amma yəqin ki, hazırda onun üçün ən yaxşısı elə budur. Yetər artıq”.