Fransa klubunda şok: Futbolçular irqi hücumlardan sonra ayrılır

“Nitsa”nın hücumçuları Jeremi Boqa və Teremas Moffi klubdan ayrılmaq istədiklərini bildiriblər.

Sport1.az RMC Sport-a istinadən xəbər verir ki, futbolçular bu qərarı azarkeşlərin onlara qarşı aqressiv davranışından sonra veriblər.

Hadisə komandanın “Loryan”a 1:3 hesabı ilə uduzduğu oyundan sonra baş verib. Məlumata görə, klub bazasına toplaşan təxminən 400 azarkeş əvvəlcə baş məşqçi Frank Ezın istefasını tələb edib, daha sonra isə vəziyyət nəzarətdən çıxaraq oyunçulara qarşı aqressiya nümayiş olunub.

Onlarla fanat Moffi və Boqaya fiziki və sözlü hücum edib, futbolçular təpiklənib, sifətlərinə şillə vurulub, üzərlərinə tüpürülüb. Hücumçular həmçinin irqi təhqirlərlə də üzləşiblər.

Hadisədən sonra hər iki oyunçunun “Nitsa”da çıxışını davam etdirmək istəmədiyi bildirilib. Teremas Moffi 2022/23 mövsümündən, Jeremi Boqa isə 2023-cü ilin yayından etibarən komandanın heyətində çıxış edir.