“Mançester Siti” 1957-ci ildən bəri ilk dəfə bunu bacardı

İngiltərə Premyer Liqasının 14-cü turunda “Mançester Siti”nin səfərdə “Fulhem” üzərində qazandığı 5:4 hesablı qələbə tarixi nəticə ilə yadda qalıb.

Sport1.az Opta-ya istinadən xəbər verir ki, “şəhərlilər” 1957-ci ildən bəri ilk dəfə dörd qol buraxmasına baxmayaraq oyunu qazanmağı bacarıb. Həmin il komanda “Şeffild Uensdey”i eyni hesabla – 5:4 məğlub etmişdi.

Turun nəticələrinə görə, “Fulhem” 17 xalla 15-ci, “Mançester Siti” isə 28 xalla İngiltərə çempionatında ikinci pillədə qərarlaşıb. Turnirin lideri isə ehtiyatda oyunu olan və 30 xal toplayan “Arsenal”dır.

Növbəti turda “Mançester Siti” dekabrın 6-da “Etihad”da “Sanderlend”i qəbul edəcək.