"Samir Abasovla sağollaşmağa imkan olmadı" – MÜSAHİBƏ

Misli Premyer Liqasının 13-cü turunda "Turan Tovuz" "Neftçi" ilə heç-heçə etdi – 0:0.

Qarşılaşmadan sonra qonaqların üzvü Mustafa Sek Sport1.az-ın suallarını cavablandırdı...

- Oyun barədə fikirləriniz necədir?

- Bizi çətin səfər oyununun gözlədiyini bilirdik. Buna baxmayaraq, matça yaxşı hazırlaşmışdıq. 1 xal qazanmağımıza baxmayaraq, eyni yolla davam etməliyik.

- Baş məşqçi dəyişikliyindən sonra hansı yeniliklər var idi?

- İlk növbədə, özümüzü düşünməliyik ki, nəyi daha yaxşı edə bilərik. Baş məşqçi hər zaman dəstək üçün lazımdır. Amma daha çox özümüzü düşünməliyik ki, nəyi daha yaxşı edə bilərik.

- Mövsümün gedişində baş məşqçi dəyişikliyi sizə hansı çətinliklər yaratdı?

- Baş məşqçi kim olursa-olsun, hər birinə minnətdarıq. Yalnız təşəkkür etmək olar. Özümüz nəyi daha yaxşı edə biləcəyimizi fikirləşməliyik.

- Elə isə əvvəlki oyunlarda bu qədər mübariz görünməməyinizin səbəbi Samir Abasov idi?

- Xeyr, problemi yalnız özümüzdə axtarmalıyıq. Çünki meydançaya çıxan, oynayan bizik. Düzdür, əvvəlki oyunların bəzilərində mübarizlik var idi, bəzilərdə olmurdu. Amma bunlar məşqçi amili ilə əlaqədar deyildi. Öz oyunumuza baxmalıyıq.

- Gedərkən Samir Abasov sizə nə dedi?

- İlk növbədə, Abasova komanda üçün etdiklərinə görə təşəkkürümü bildirirəm. Çünki o, yalnız komandanın yaxşılığını düşünürdü. Biz də meydanda özümüzün daha yaxşısını verməli idi. Hansı ki, bəzi oyunlarda verə bilirdik, bəzilərində alınmırdı. Lakin gələcəyə nikbin baxmalıyıq. Abasovla sağollaşmağımıza imkan olmadı. Amma deyə bilərəm ki, o, daim ürəyimizdədir. Birdəfəlik sağollaşmamışıq, çünki futbolda hər şey ola bilər. Gələcəkdə nəyin baş verəcəyini bilmək olmaz.

ZƏFƏR HACILI