Katalon klubunda kritik itki: Flikin narahatlığı nədir?

“Barselona”nın baş məşqçisi Hansi Flik komandanın müdafiəçisi Ronald Arauxonun növbəti oyunda iştirak etməyəcəyini açıqlayıb.

Sport1.az AS nəşrinə istinadən xəbər verir ki, uruqvaylı futbolçu bağırsaq infeksiyası səbəbindən La Liqanın 14-cü turunda “Alaves”lə görüşü buraxacaq. Onun ən azı iki gün məşq prosesindən uzaq qalacağı bildirilib.

Məlumata görə, Arauxo Çempionlar Liqasında “Çelsi” ilə oyunda (0:3) aldığı qırmızı vərəqəyə görə psixoloji olaraq da çətin dönəm yaşayır.

Qeyd edək ki, “Barselona” – “Alaves” qarşılaşması noyabrın 29-da “Kamp Nou”da keçiriləcək və Bakı vaxtı ilə 19:15-də başlayacaq.