PSJ-də zədə şoku

PSJ ciddi itkilərlə üzləşib.

Sport1.az xəbər verir ki, komandanın futbolçuları Əşrəf Hakimi, Usman Dembele və Nunu Mendeş zədə səbəbindən bir neçə həftə meydana çıxmayacaqlar.

Klubun mətbuat xidməti oyunçuların “Bavariya” ilə UEFA Çempionlar Liqasının 4-cü turundakı qarşılaşmada (1:2) müxtəlif dərəcəli xəsarətlər aldığını açıqlayıb.

Hakimidə sol topuq bağlarında dartılma, Dembele isə baldır əzələsində zədə müəyyən edilib. Hər iki futbolçu matçın ilk hissəsində əvəzlənib. Mendeş oyunu başa vursa da, müayinədən sonra onun sol diz bağlarında dartılma olduğu məlum olub.

Bu səbəbdən üçlük 9 noyabrda keçiriləcək Liqa 1-in 12-ci turundakı “Lion”la görüşdə iştirak edə bilməyəcək. Həmçinin oyunçular öz milli komandalarının qarşıdakı oyunlarını da buraxacaqlar.