Azər Bağırov hakimlər barədə: "Verdikəri qərarların hamısı onlara "yedizdiriləcək"

Misli Premyer Liqasının 10-cu turunda “Kəpəz” səfərdə “Neftçi”yə 1:5 hesabı ilə məğlub olub.

Sport1.az xəbər verir ki, Gəncə klubunun baş məşqçisi Azər Bağırov oyundan sonra keçirilən mətbuat konfransında məğlubiyyətin səbəblərindən danışıb və jurnalistlərin suallarını cavablandırıb:

Oyuna itkilərlə çıxmışdıq. Bilirdik ki, ağır matç olacaq. Ehtiyat oyunçular skamyamız kasad idi. Birinci hissədə nələrisə öz xeyrimizə dəyişə biləcəyimizi düşünürdük. Təəssüflər olsun ki, istədiklərimiz alınmadı.

- Müdafiədə belə zəif oyunun səbəbi nədir?

- Bir oyunu azlıqda oynamışıq. Bu gün isə ehtiyat oyunçular skamyamız demək olar ki, yox idi. Ba ilə Ohori kimi iki əsas oyunçunun olmaması bizim kimi komandalara təsir edir. Heç kim qol buraxmaq istəməz. Təəssüflər olsun ki, boşluqlarımız var. Düşünürəm ki, bunun öhdəsindən gələcəyik.

- “Kəpəz”də oyunçu keyfiyyəti aşağıdır. Bu heyətlə hara qədər davam edəcəksiz?

- Keyfiyyət barədə danışmaq istəmirəm. Bu gün həmin oyunçular mənimdir. Davam etməliyik, məcburuq. Xalları bu futbolçularla yığacağıq. Dəyişikliklər əlbəttə ki, olacaq. Zəif tərəflərimiz var. Hər şeyin vaxtı var. Vaxtı çatanda qərarlar verəcəyik.

- Hakimlikdən danışmaq istəmirsiz?

- Hakimlik elə mövzudur ki, bugünkü gündə qarışıqlıqdır. Bütün dünyada, xüsusən də Türkiyədə. Çox şey danışmaq istəmirəm. Dinimizdə də 3 hakimdən 2-si cəhənnəmlikdir. Qərarları verəndə fikirləşsinlər ki, kimlərinsə haqqına girməsinlər. Ötən turda 11 dəqiqə oyun dayanır, 5 dəqiqə əlavə vaxt verilir. Yeni qaydalar var. Yəqin vaxt keçdikcə biz də təcrübə toplayarıq. Bilsinlər ki, heç nə əvəzsiz deyil. Verdikləri qərarların hamısı onlara "yedizdiriləcək".

- Rza Cəfərovun qışda “Kəpəz”ə keçəcəyi ilə bağlı xəbərlər var. Bu, nə dərəcədə realdır?

- Hazırda heç nə yoxdur. Sabah necə olacağını da bilmirəm. Rza “Neftçi”nin futbolçusudur. Bizimlə də danışıq olmayıb.