Harri Keynə cəngavər titulunun verilməsi təklif edildi

Liberal Demokratlar partiyası İngiltərə millisinin kapitanı Harri Keynin cəngavərlik tituluna layiq görülməsi üçün Parlamentə təklif irəli sürüblər.

Sport1.az xəbər verir ki, bu təşəbbüsü Parlament üzvü Layla Moran irəli sürüb. O, həmçinin bütün partiyalardan olan millət vəkillərini və gələcək Baş nazir Endryu Börnemi təklifi dəstəkləməyə çağırıb:

"Harri Keyn həm meydanda, həm də meydandan kənarda liderlik və xarakter nümayiş etdirərək ölkəmizi bu qədər möhtəşəm edən dəyərləri müdafiə edib. Endi Börnem Baş nazir vəzifəsinə müsbət notlarla başlamaq istəyirsə, mənim kampaniyamı dəstəkləməlidir. Bu, ölkəni birləşdirməklə bağlıdır. Ümid edirəm ki, hər bir İngiltərə azarkeşi öz millət vəkillərini bu təklifi imzalamağa çağıracaq! Gəlin bazar ertəsi Meksikaya qarşı oyunda oğlanlarımızı dəstəkləyək və Harri Keynin evə təkcə kubokla deyil, həm də layiq olduğu cəngavərlik titulu ilə qayıtsın".

Qeyd edək ki, İngiltərə millisi DÇ-2026-nın 1/8 final mərhələsində Meksika ilə qarşılaşacaq. Harri Keyn isə artıq turnirdə 5 qol vurub.