Azərbaycanlı futbolçu bu klubun FİFA tərəfindən cəzalandırılmasına səbəb oldu - ÖZƏL
FIFA Albaniyanın “Bylis” klubuna 3 illik transfer qadağası qoyub.
Sport1.az-ın əldə etdiyi məlumata görə, bu qərara səbəb azərbaycanlı futbolçu Amil Yunanov qarşısında maliyyə öhdəliklərinin yerinə yetirilməməsidir.
Qadağanı FIFA İntizam Komitəsi təsdiqləyib. Klub borcunu ödəməyənədək yeni oyunçu qeydiyyatı beynəlxalq və milli səviyyədə qadağan olunacaq. Qadağa maksimum üç ardıcıl transfer pəncərəsi müddətində qüvvədə qalacaq. Bununla yanaşı, Albaniya Futbol Assosiasiyası da milli səviyyədə qadağanın dərhal tətbiq olunmasını təmin etməlidir.
Məlumatla bağlı məktub FIFA İntizam Komitəsinin rəhbəri Ameriko Espallargas tərəfindən imzalanıb. Qərarın surəti futbolçu Amil Yunanova, onun vəkili Elcan Həsənliyə və Albaniya Futbol Federasiyasına göndərilib.
