“Bursaspor”dan Mikels açıqlaması – Abubakar sualı cavabsız qaldı

“Sabah”la yeni müqavilə imzalayan Coy Lens Mikelsin adı bir neçə gün əvvəl Türkiyə təmsilçisi “Bursaspor”la yanaşı çəkilirdi.

Sport1.az Türkiyə mətbuatına istinadən xəbər verir ki, I Liqa klubunun rəsmisi Enbiya Topal məsələyə münasibət bildirib. O qeyd edib ki, Mikels heç vaxt “Bursaspor”un transfer siyahısında olmayıb.

Bununla belə, “Neftçi”dən ayrılan Vensan Abubakarla maraqlanmaları barədə suala konkret cavab verməyən klub rəsmisi yalnız transfer çalışmalarının davam etdiyini söyləyib.

Qeyd edək ki, Coy Lens Mikels “Sabah”la yeni 2 illik müqaviləyə imza atıb. “Bursaspor” isə indiyədək “Qarabağ”dan Toral Bayramovu transfer edib.