Serxio Ramosun böyük planı baş tutmadı

Serxio Ramosun “Sevilya”nın sahibi olmaq planı baş tutmayıb.

Sport1.az xəbər verir ki, COPE nəşrinin yaydığı məlumata görə, “Real” Madrid və İspaniya millisinin sabiq müdafiəçisi daha əvvəl formasını geyindiyi “Sevilya” klubunun səhmdarı olmağa yaxın olsa da, bu proses başa çatmayıb.

Ramosa dəstək verən Argentinanın “Five Eleven Capital” investisiya fondu ilkin təklifini ciddi şəkildə azaltdığı üçün razılaşma ləğv edilib.

İlkin razılığa əsasən, investorlar klubun 80 min səhmini almağı planlaşdırırdı. Lakin sonradan onlar yalnız təxminən 30 min səhm almaq və kapital artımında iştirak edərək klub üzərində nəzarəti ələ keçirmək istəyiblər.

Qeyd edək ki, “Sevilya” 2025/26 mövsümündə İspaniya La Liqasını 43 xalla 13-cü pillədə başa vurub.