Bu futbolçu 11 ildən sonra La Liqa klubunda ayrıldı

“Vilyarreal” futbolçusu Alfonso Pedraza ilə yollarını ayırıb.

Sport1.az xəbər verir ki, bu haqda klubun mətbuat xidməti məlumat yayıb.

Bildirilib ki, tərəflər arasında başa çatan müqavilə yenilənməyəcək.

Pedraza “Vilyarreal”ın yetirməsidir. O, 2015-ci ildən əsas komandada çıxış edib. Müdafiəçi bu müddətdə icarə əsasında “Luqo”, “Lids Yunayted”, “Deportivo” və “Betis”də də oynayıb.

32 yaşlı müdafiəçi “Vilyarreal”ın heyətində bütün turnirlərdə 234 oyuna çıxıb, 13 qol vurub və 29 məhsuldar ötürmə verib.

Qeyd edək ki, La Liqada hazırda 3-cü pillədə qərarlaşan “Vilyarreal” artıq növbəti mövsüm üçün UEFA Çempionlar Liqasına vəsiqəni təmin edib. Komanda son turda mayın 24-də “Atletiko” ilə qarşılaşacaq.