Advokat van Persiyə məsləhətlər verəcək

Niderlandlı məşqçi Dik Advokat “Feyenoord”a məsləhətçi kimi kömək edəcək.

Sport1.az xəbər verir ki, bu barədə klubun mətbuat xidməti məlumat yayıb.

78 yaşlı mütəxəssis komandanın baş məşqçisi Robin van Persiyə tövsiyələri ilə dəstək olacaq. Advokat klubda rəsmi vəzifə tutmayacaq və matçlar zamanı ehtiyat oyunçular skamyasında yer almayacaq.

Qeyd edək ki, təcrübəli çalışdırıcı fevral ayında Kuraçao millisinin baş məşqçisi postundan ayrılıb. O, bu qərarı səhhətində problemlər yaranan qızının yanında olmaq istəyi ilə izah edib.

Hazırda Niderland çempionatında “Feyenoord” 52 xalla ikinci pillədə qərarlaşıb. Komanda lider PSV-dən 16 xal geri qalır.