Kanselunun “Barselona”da qalmaq ehtimalı artıb

“Barselona” portuqaliyalı müdafiəçi Joao Kancelo ilə bağlı vəziyyəti diqqətdə saxlayır.

Sport1.az xəbər verir ki,  Kataloniya təmsilçisi futbolçunun müqavilə məsələsini izləyir.

Bildirilir ki, 31 yaşlı oyunçunun hazırkı müqaviləsi 2027-ci ilin yayına qədər qüvvədədir. Lakin tərəflər qarşılıqlı razılığa gələrsə, müqavilənin vaxtından əvvəl ləğvi mümkündür ki, bu halda “Barselona”nın transfer şansı xeyli yüksələcək.

Qeyd olunur ki, Kanselu yanvar ayında mövsümün sonuna qədər icarə əsasında “Barselona”ya qoşulub. Mənbənin məlumatına görə, portuqaliyalı futbolçu Kataloniya klubuna keçid üçün Səudiyyə Ərəbistanı təmsilçisində ona təklif olunan daha sərfəli maliyyə şərtlərindən imtina etməyə hazırdır.

“Barselona” rəhbərliyi isə Kanselunu əsas heyətin vacib üzvlərindən biri kimi görür və onun təcrübəsinə güvənir.

Bu mövsüm müdafiəçi “Barselona”nın heyətində bütün turnirlərdə 10 oyuna çıxıb, 1 qol vurub və 3 məhsuldar ötürmə ilə yadda qalıb. Transfermarkt portalının məlumatına görə, onun bazar dəyəri 9 milyon avro təşkil edir.