“Barselona” mənim son klubum ola bilər” – Flik

“Barselona”nın baş məşqçisi Hani Flik gələcək karyerası ilə bağlı fikirlərini bölüşüb.

Sport1.az xəbər verir ki, almaniyalı mütəxəssis kataloniyalıların onun məşqçilik karyerasında son dayanacaq ola biləcəyini istisna etməyib.

Flik bu barədə açıqlamasında belə deyib: “Başqa bir kluba getmək barədə düşünmürəm. Ola bilsin ki, “Barselona” mənim məşqçilik karyeramda son komandam olsun. Burada özümü çox xoşbəxt hiss edirəm”.

Qeyd edək ki, 61 yaşlı çalışdırıcı 2024-cü ilin yayından Kataloniya təmsilçisinə rəhbərlik edir. Onun klubla müqaviləsi 2027-ci ilin yayına qədər qüvvədədir.

Xatırladaq ki, Flikin rəhbərliyi altında kataloniyalılar İspaniya çempionatını, ölkə kubokunu və iki dəfə İspaniya Superkubokunu qazanıblar.