Braziliya millisi açıqladı: Türkiyə klublarının iki oyunçusu heyətdə
Braziliya millisinin 2026-cı il dünya çempionatı üçün açıqlanan geniş heyətində Türkiyə klublarında çıxış edən futbolçular da yer alıb.
Sport1.az xəbər verir ki, baş məşqçi Karlo Ançelottinin müəyyənləşdirdiyi siyahıda "Qalatasaray"ın yarımmüdafiəçisi Qabriel Sara və "Fənərbağça"nın qapıçısı Ederson da yer alıblar.
Bununla da Qabriel Sara Braziliya millisindən dəvət alan "Qalatasaray"ın ikinci futbolçusu olub. 26 yaşlı yarımmüdafiəçi karyerasında ilk dəfə yığmanın düşərgəsinə çağırılıb və debüt etməyə hazırlaşır.
"Fənərbağça"nın qapıçısı Ederson isə indiyədək millidə 31 oyun keçirib və qarşıdakı görüşlərdə forma geyinmək üçün şans gözləyir.
Qeyd edək ki, milli komandadakı gələcəyi uzun müddətdir müzakirə olunan Neymar bu dəfə açıqlanan heyətə daxil edilməyib.
