Berdiyevin Vernidubla görüşməsi qalmaqala səbəb oldu – VİDEO

“Neftçi”nin baş məşqçisi Yuri Vernidub Misli Premyer Liqasının 23-cü turunda “Turan Tovuz”a qarşı keçirilən oyundan sonra Ukrayna mətbuatının diqqət mərkəzinə düşüb.

Sport1.az xəbər verir ki, bu barədə “football.ua” saytı yazıb. “Neftçi”nin 0:1 hesabı ilə məğlub olduğu qarşılaşmadan sonra ukraynalı mütəxəssis rəqib komandanın baş məşqçisi Kurban Berdiyevlə əl sıxıb.

Ukrayna mediası bu epizodun ölkədə müzakirələrə səbəb olduğunu qeyd edib. 

Bildirilib ki, Berdiyev daha əvvəl işğal altında olan Mariupol şəhərinə səfəri və rusiyalı hərbçilərlə görüşü ilə gündəmə gəlmişdi.

Məsələ Ukraynada əlavə diqqət çəkib. Çünki Yuri Vernidub Rusiyanın Ukraynaya qarşı genişmiqyaslı hücumunun ilk günlərində Ukrayna Silahlı Qüvvələrinin sıralarına qoşulmuşdu. Bu səbəbdən onun Berdiyevlə görüşməsi sosial şəbəkələrdə müxtəlif reaksiyalar doğurub.