“Topçular”ın düşərgəsində gənc oyunçu ilə bağlı sual yaranıb

“Arsenal”ın gənc futbolçularından Maylz Lyuis-Skellinin gələcəyi qeyri-müəyyən olaraq qalır.

Sport1.az xəbər verir ki, “Football Insider” nəşrinin məlumatına görə, 19 yaşlı oyunçu komandada kifayət qədər oyun praktikası qazanmamasından narazıdır. Bu səbəbdən onun yay “transfer pəncərəsi”ndə başqa kluba icarəyə göndərilməsi ehtimalı nəzərdən keçirilir.

Məlumata əsasən, londonlular gənc futbolçunun daha çox oyun təcrübəsi toplaması üçün müvəqqəti ayrılıq variantını dəyərləndirə bilər.

Qeyd edək ki, perspektivli oyunçu bu mövsüm ölkə çempionatında sonuncu dəfə yanvarın 8-də meydana çıxıb. “Transfermarkt” portalı isə onun bazar dəyərini 40 milyon avro olaraq göstərir.