Flikin “Barselona”dakı gələcəyi Laportadan asılıdır

“Barselona”nın baş məşqçisi Hansi Flik klubdan ayrıla bilər.

Sport1.az xəbər verir ki, bu barədə jurnalist Florian Plettenberq sosial şəbəkə hesabında məlumat yayıb. 

Əgər Xuan Laporta yenidən klubun prezidenti seçilməsə, almaniyalı mütəxəssisin “Barselona”dakı gələcəyi sual altına düşəcək.

Məlumata görə, Flik “Barselona” ilə müqaviləsini uzatmaqda maraqlıdır. O, şəhəri, klubu və azarkeşləri sevir. Bununla belə, baş məşqçi gələcəyini Laportanın katalonıardakı mövqeyi ilə əlaqələndirir və komandanın strategiyasını onunla birlikdə formalaşdırmaq istəyir.

Əgər Laporta martın 15-də keçiriləcək seçkilərdə “Barselona”nın prezidenti vəzifəsinə yenidən seçilməsə, Flikin klubdan ayrılması ya yayda, ya da 2027-ci ildə müqaviləsinin müddəti başa çatdıqdan sonra gerçəkləşə bilər.

Qeyd edək ki, Flik 2024-cü ildən “Barselona”nın baş məşqçisidir.