“Mançester Siti”nin Vinisius Junior planı

İngiltərənin “Mançester Siti” klubu Madrid “Real”ının futbolçusu Vinisius Junioru transfer etmək niyyətindədir.

Sport1.az  xəbər verir ki, bu barədə “Marca” nəşri məlumat yayıb. Mənbənin iddiasına görə, “şəhərlilər” braziliyalı cinah hücumçusunun müqavilə vəziyyətini yaxından izləyir və onu komandaya qoşulmağa razı salmağa çalışır.

Bildirilir ki, İngiltərə təmsilçisi futbolçuya maaş limiti səbəbindən Madrid klubunun təqdim etməyə hazır olmadığı daha sərfəli müqavilə şərtləri təklif edə bilər. “Mançester Siti”nin əsas məqsədi Vinisiusu 2027-ci ilin yayında başa çatacaq əmək müqaviləsini yeniləməməyə inandırmaqdır.

Qeyd edək ki, 24 yaşlı futbolçu cari mövsümdə bütün turnirlərdə 37 oyunda meydana çıxıb. O, bu görüşlərdə 13 qol vurub, 11 məhsuldar ötürmə ilə yadda qalıb. “Transfermarkt” portalının məlumatına əsasən, Vinisius Juniorun bazar dəyəri 150 milyon avro qiymətləndirilir.