“Parma” “Milan”ın 24 oyunluq seriyasına son qoydu

İtaliya A Seriyasının 26-cı turunda “Parma” səfərdə “Milan”ı 1:0 hesabı ilə məğlub edib.

Sport1.az xəbər verir ki, bununla da “xaçlılar” Massimiliano Alleqrinin komandasının çempionatda davam edən 24 oyunluq məğlubiyyətsizlik seriyasına son qoyub.

“Milan” sonuncu dəfə mövsümün ilk turunda doğma meydanda “Kremoneze”yə 1:2 hesabı ilə uduzmuşdu. Həmin qarşılaşmadan sonra “rossoneri” A Seriyasında 15 qələbə qazanmış və 9 dəfə heç-heçə etmişdi.

Qeyd edək ki, hazırda 54 xala malik “Milan” turnir cədvəlində ikinci pillədə qərarlaşıb və lider “İnter”dən 10 xal geri qalır. Komanda növbəti turda martın 1-də “Kremoneze” ilə qarşılaşacaq.