MLS klubu heyəti sabiq “Barselona”lı ilə gücləndirmək istəyir

“Los-Anceles Qalaksi” Filipe Koutinyo ilə maraqlanır.

Sport1.az xəbər verir ki, bu barədə Diario AS məlumat yayıb. MLS təmsilçisi azad agent statusu daşıyan 33 yaşlı braziliyalı yarımmüdafiəçi ilə danışıqlara başlamağa hazırlaşır.

Koutinyo fevralın 18-də azarkeş təzyiqləri fonunda “Vasko da Qama”dan ayrıldığını açıqlayıb. ABŞ klubu heyəti gücləndirməyi planlaşdırır.

Belə ki, komanda Riki Puçun uzunmüddətli zədəsi səbəbindən daha bir mövsüm onsuz çıxış etməli olacaq. 26 yaşlı futbolçunun 2024-cü ilin noyabrında çarpaz bağları qırılıb və onun 2027-ci ilə qədər meydanlara qayıtmayacağı gözlənilir.