“Mançester Yunayted” Kloppla bağlı iddiaları təkzib etdi

"Mançester Yunayted" Yurgen Kloppun agenti ilə əlaqə saxlaması barədə yayılan məlumatları inkar edib. Klub alman mütəxəssisin nümayəndəsi ilə hər hansı təmasın olmadığını bildirib.

Sport1.az  xəbər verir ki, bu barədə "Sky Sports" məlumat yayıb.

Klopun agenti Mark Kosikkenin sözlərinə görə, müxtəlif klublardan maraq davam etsə də, alman mütəxəssis indiyə qədər əldə etdiyi nailiyyətlərdən razıdır və karyerasını cəmi üç kluba rəhbərlik edərək, heç vaxt qovulmadan başa vurmasını xüsusi dəyər kimi qiymətləndirir.

Qeyd edək ki, Yurgen Klopp İngiltərədə "Liverpul"dan başqa heç bir klubda çalışmayacağını açıq şəkildə bəyan edib və həm "Mançester Yunayted", həm də "Çelsi" bu mövzuda rəsmi təmasda olmadıqlarını təsdiqləyiblər.