“Kəpəz” “Neftçi”ni, “Araz-Naxçıvan” “Sumqayıt”ı qəbul edir - YENİLƏNİR

Misli Premyer Liqasında 20-ci turun görüşləri davam edir.

Sport1.az xəbər verir ki, ikinci oyun günündə daha iki matç keçiriləcək.

Əvvəlcə “Kəpəz” Yevlaxda “Neftçi”ni sınağa çəkəcək. Hazırda paytaxt klubu 27 xalla 6-cı, Gəncə təmsilçisi isə 13 xalla 11-ci pillədə qərarlaşıb. Bu komandalar arasındakı ilk dövrədəki oyunda “Neftçi” rəqibini 5:1 hesabı ilə məğlub edib.

Digər görüşdə isə “Araz-Naxçıvan”la “Sumqayıt” üz-üzə gələcək. Bu komandaların ilk dövrədəki görüşü sumqayıtlıların 3:2 hesablı qələbəsi ilə yekunlaşıb. Hazırda turnir cədvəlində “Sumqayıt” 30 xalla 5-ci, Naxçıvan klubu isə 27 xalla 7-cidir.

Qeyd edək ki, tura sabah keçiriləcək ik oyunla yekun vurulacaq.

20-ci tur

15 fevral 

14:30. "Kəpəz" - "Neftçi"

Hakimlər: Əli Əliyev, Zeynal Zeynalov, Gülnurə Əkbərzadə, Namiq Bəkirov

VAR: İnqilab Məmmədov

AVAR: Namiq Hüseynov

Yevlax şəhər stadionu

17:00. "Araz-Naxçıvan" - "Sumqayıt"

Hakimlər: Elçin Məsiyev, Elşad Abdullayev, Pərvin Talıbov, Kamran Əliyev

VAR: Nicat İsmayıllı

AVAR: Zöhrab Abbasov

"Liv Bona Dea Arena"

16 fevral 

14:30. "Şamaxı" - "Turan Tovuz"

17:00. "Qəbələ" – "Sabah"

14 fevral 

"İmişli" - "Qarabağ" - 0:1

"Zirə" - "Karvan-Yevlax" - 1:0