Benzemaya görə matçlara çıxa bilməyəcəklər

Səudiyyə Ərəbistanının "Əl-Hilal" klubu legioner limiti ilə bağlı çətin duruma düşüb.

Sport1.az xəbər verir ki, klub rəhbərliyi Kərim Benzemanın transferindən sonra iki ulduz futbolçunun adını çempionat üçün sifariş ərizəsindən çıxarıb.

Söhbət hücumçu Darvin Nunez və müdafiəçi Pablo Maridən gedir. "Qızıl top" sahibinin gəlişi komandada əcnəbi futbolçu sayının artmasına səbəb olub. Nəticədə məşqçilər korpusu limiti aşmamaq üçün bu iki futbolçunu siyahıdan çıxarmaq məcburiyyətində qalıb.

Məlumata görə, hər iki futbolçu mövsümün qalan hissəsində daxili çempionatda oynaya bilməyəcək. Onlar komandaya yalnız Asiya Çempionlar Liqası matçlarında kömək edə biləcəklər.