"İmişli"nin futbolçusu daha böyük komandada, çətin çempionatda oynamaq istəyir - AÇIQLAMA

Misli Premyer Liqasının 19-cu turunda “İmişli” “Kəpəz”lə qolsuz bərabərə qaldı – 0:0.

Qarşılaşmadan sonra ev sahiblərinin futbolçusu Andrey Sinenka Sport1.az-a açıqlama verdi. O, nəticənin qənaətbəxş hesab etdiyini bildirdi:

“Qapıçı kimi quru oyun keçirməyim mənim üçün əladır. Çünki qol buraxmadıq. Əlbəttə ki, qalib gəlmək məqsədi ilə meydana çıxmışdıq. Oyunda epizodlar oldu, lakin qol vura bilmədik. Bu səbəbdəb bir az məyusam. Oyun bərabər səviyyədə keçdi. Meydanın vəziyyətini də nəzərə almaq lazımdır”.

Karyerası haqqında danışan "çərçivə qoruyucusu" bunları dedi:

“Premyer Liqaya çıxmağıma baxmayaraq, özümü diskomfort hiss etmirəm. Bu futbol səviyyəsi mənim üçün qənaətbəxşdir və öz oyunumu göstərə bilirəm. Məqsədim daha böyük komandalarla, daha çətin çempionatlarda iştirak etməkdir”.

Milli seçimi ilə verilən suala isə bölgə təmsilçisinin üzvü belə cavab verdi:

“Əlbəttə ki, millidə oynamaq arzumdur və buna görə əlimdən gələni edirəm. Amma bu suala cavab vermək üçün əvvəlcə ən azı bir ölkədən təklif almaq lazımdır. Digər məsələləri sonra düşünə bilərəm”.

MƏHƏMMƏD HÜSEYNOV