“Qarabağ” axtardığını Kiprdə tapdı – İDDİA
“Qarabağ” heyətini gücləndirmək niyyətindədir.
Sport1.az xəbər verir ki, Ağdam təmsilçisi hazırda Kiprin AEK klubunun formasını geyinən Ceremi Qnali ilə maraqlanır. Bu barədə “balla” nəşri məlumat yayıb.
23 yaşlı müdafiəçi əsasən sol cinahda çıxış edir. Eyni zamanda sol yarımmüdafiəçi və sol vinger mövqelərində də oynaya bilən Qnali sol ayaqlı futbolçudur. Parisdə anadan olan oyunçu Fransa və Konqo vətəndaşlığına malikdir.
Ceremi Qnali peşəkar karyerası ərzində Fransanın “Mets” akademiyasında yetişib, daha sonra İspaniyada “Tarasona” və “Melilya” klublarında çıxış edib. 2024-cü ilin yayından etibarən isə AEK-in formasını geyinir. Onun Kipr klubu ilə müqaviləsi 2026-cı ilin yayına qədər qüvvədədir.
Müdafiədə stabilliyi və cinahdan oyuna verdiyi dinamika ilə seçilən futbolçunun bazar dəyəri 450 min avro olaraq göstərilir.
Qeyd edək ki, cari mövsümdə Qnali Larnaka təmsilçisinin heyətində bütün turnirlərdə 26 oyuna çıxıb və 5 məhsuldar ötürmə ilə yadda qalıb.
