“Qarabağ” istənilən komanda ilə oynamağın mümkünlüyünü anlayır”
Rusiyalı veteran futbolçu Maksim Demenko “Qarabağ”ın UEFA Çempionlar Liqasının Liqa mərhələsindəki çıxışına münasibət bildirib.
Sport1.az xəbər verir ki, “Zenit”, “Spartak” və “Krasnodar”ın sabiq üzvü Azərbaycan çempionunu 2025/26 mövsümünün əsas kəşfi adlandırıb.
Demenko “Ayntraxt” üzərində 3:2 hesablı qələbədən sonra Ağdam təmsilçisinin pley-off perspektivinin daha da real göründüyünü vurğulayıb: “Düşünürəm ki, bu, əsl Azərbaycan komandasıdır. “Qarabağ” Çempionlar Liqasında mövsümün kəşfidir. Onlar yəqin ki, istənilən komanda ilə oynamağın mümkünlüyünü anlayırlar. Hətta hakimlikdən də şikayət edirdilər. “Qarabağ” sürpriz etdi. Məhz bu qələbədən komandanın pley-offa vəsiqə qazanmaq şansının olduğunu deyə bilərik”.
Qeyd edək ki, “Qarabağ” hazırda 10 xalla 18-ci pillədə qərarlaşıb. Qurban Qurbanovun komandası Liqa mərhələsinin son turunda yanvarın 28-dən 29-na keçən gecə “Liverpul”un qonağı olacaq.
