Portuqaliyalı "Zirə"ni ölkənin ən güclü komandalarından biri hesab edir - MÜSAHİBƏ
Misli Premyer Liqasının 17-ci turunda “Neftçi” "Zirə" ilə heç-heçə etdi - 0:0.
Sport1.az xəbər verir ki, oyundan sonra “qartallar”ın üzvü Tiaqo Silva jurnalistlərin suallarını cavablandırdı.
Həmin müsahibəni təqdim edirik
- Heç-heçə bitən oyun haqqında fikirlərini bilmək maraqlıdır...
- Rəqib hücum zamanı çox hərəkətli idi. Müdafiə xəttimizə ciddi təzyiq göstərirdi. Əlimizdən gələni etdik. Bir neçə qol epizodumuz oldu, onların da şansları var idi. Fikrimcə, nəticə ədalətli oldu.
– Komandanın çempionatda çıxışı barədə nə deyə bilərsiniz?
- İndi yolumuza davam edirik. Növbəti oyunumuz “Sabah"ladır. Hazırda bütün diqqətimiz həmin qarşılaşmadadır. Mənim əsas məqsədim komandaya kömək etmək, öz işimi görmək və müdafiədə üzərimə düşəni etməkdir.
– Oyunun son dəqiqələrində möhtəşəm qurtarışa etdin. Bu, matçın taleyini həll edən epizod idi?
- Bəli! Oyunun sonunda komandama kömək edə bildim. Hesab edirəm ki, bu nəticə üçün bütün kollektiv sonadək mübarizə apardı.
– "Zirə"nin güclü və zəif tərəfləri hansılardır?
- Müdafiədə yaxşı oynadıq, amma hücumda inkişaf etməli olduğumuz açıqdır. Daha çox qol epizodu yaratmalı və həmin fürsətləri mütləq qola çevirməliyik. Düşünürəm ki, ölkənin ən güclü müdafiə xətti olan komandalarından biriyik.
MƏHƏMMƏD HÜSEYNOV
