“Qarabağ” azarkeşlərinin yadında qalan futbolçu Premyer Liqa klubunda

“Qarabağ”la oyunlardan tanıdığımız 20 yaşlı macar yarımmüdafiəçi Aleks Tot karyerasını İngiltərədə davam etdirəcək.

Sport1.az xəbər verir ki, “Bornmut” “Ferensvaroş”un futbolçusunun transferini rəsmiləşdirib. Premyer Liqa təmsilçisi Aleks Totla 2031-ci ilin yayına qədər müqavilə imzalayıb.

İngiltərə mətbuatının yazdığına görə, “Bornmut” bu keçid üçün Budapeşt klubuna 12 milyon avro ödəyəcək, daha 3 milyon avro isə bonuslar şəklində nəzərdə tutulub. 

Cari mövsümdə gənc yarımmüdafiəçi bütün turnirlər üzrə 25 oyunda meydana çıxıb, 2 qol vurub və 5 məhsuldar ötürmə edib. O, “Ferensvaroş”da ümumilikdə 60 matçda 4 dəfə fərqlənib, 15 assistlə yadda qalıb.